მედიის ტრენინგის პროგრამა არის პროექტი, რომელსაც საქართველოს სტრატეგიული ანალიზის ცენტრი ნატოს ფინანსური ხელშეწყობით ახორციელებს.  კურსი განკუთვნილია სხვადასხვა მედია საშუალებების ჟურნალისტებისთვის.

პროექტი ორი ძირითადი ეტაპისგან შედგება:

პირველი ეტაპის განმავლობაში მონაწილეები იღრმავებენ ცოდნას  ნატოს მიმართულებით. ეცნობიან მის მისიას, ოპერაციებს და საქართველოს ძალისხმევას ამ ორგანიზაციაში გაწევრიანებისთვის;

მეორე ნაწილში მედიის წარმომადგენლები პრაქტიკულ ტრენინგს გადიან, რომლის მიზანიც არის მათი ჟურნალისტური უნარ-ჩვევების განვითარება. პროექტის ბოლოს მომზადდება სიუჟეტები ნატოს თემატიკაზე, სადაც გამოყენებული იქნება კურსის პირველ ნაწილში შეძენილი ცოდნა და ორიენტირებული იქნება გამოკვეთილ პრიორიტეტებსა და გამოწვევებზე.

კურსს უძღვებიან ცნობილი და გამოცდილი ექსპერტები ისეთ საკითხებში, როგორიც არის თავდაცვა და უსაფრთხოება, დიპლომატია, ევრო-ატლანტიკური ინტეგრაცია და მედია.