თემურ კეკელიძე

იგი გახლავთ კარიერული დიპლომატი, რომელსაც გააჩნია ესქპერტული ცოდნა საერთაშორისო ურთიერთობებისა და დიპლომატიიის, თავდაცვის, განიარაღების, ეროვნული და საერთაშორისო უსაფრთხოების საკითხებში.

 

თემურ კეკელიძეს ეკავა სხვადასხვა მაღალი თანამდებობა თავდაცვის სამინისტროში, ეროვნული უშოშროების საბჭოს აპარატში, საგარეო საქმეთა სამინისტროსა და შინაგან საქმეთა სამინისტროში, მათ შორის, გახლდათ საგარეო საქმეთა სამინისტროს პოლიტიკური დირექტორის მოადგილე, ნატოსთან საქართველოს მისიის ხელმძღვანელის მოადგილე, საქართველოს სასაზღვრო პოლიციის უფროსი და საქართველოს საგანგებო და სრულუფლებიანი ელჩი კვიპროსის რესპუბლიკაში.

 

მისი მოღვაწეობის ერთ-ერთ მთავარ მიმართულებას წარმოადგენდა საქართველოს ნატოში ინტეგრაციის პროცესი. იგი ასევე აქტიურად იყო ჩართული საგარეო და უსაფრთხოების კონცეპტუალური დოკუმენტების, მათ შორის ეროვნული უსაფრთხოების კონცეფციის, საგარეო პოლიტიკის სტრატეგიის და საფრთხეების შეფასების დოკუმენტის შემუშავებაში.