შალვა (ლაშა) ძებისაშვილი

შალვა ძებისაშვილი არის საქართველოს სტრატეგიული ანალიზის ცენტრის ერთ-ერთი დამფუძნებელი. მან მიიღო ევროკავშირის კომისიის სადოქტორო სტიპენდია (GEM) 2012 წლის სექტემბერში, წარმატებით დაიცვა დისერტაცია და მიიღო დოქტორის ხარისხი ევროპული კვლევების ინსტიტუტში (IEE-ULB, ბრიუსელი) 2016 წლის იანვარში.

იგი არის საქართველოს უნივერსიტეტის ასოცირებული პროფესორი და ასევე არაერთი ქართული არასამთავრობო ორგანიზაციის და სამეცნიერო ცენტრის წევრი, როგორიცაა თავდაცვისა და უსაფრთხოების სამოქალაქო საბჭო (CCDS), საქართველოს სტრატეგიული ანალიზის ცენტრი (GSAC) და საქართველოს სტრატეგიული და საერთაშორისო კვლევების ფონდი (GFSIS). 2003 წლიდან მსახურობდა თავდაცვის პოლიტიკისა და დაგეგმვასთან დაკავშირებულ სხვადასხვა თანამდებობებზე საქართველოს თავდაცვის სამინისტროში.

2008-2009 წლებში წარმატებით დაასრულა ვაშინგტონის ეროვნული თავდაცვის უნივერსიტეტის სტრატეგიული უსაფრთხოების კვლევების მაგისტრის კურსი და, შესაბამისად, აიღო საქართველოს თავდაცვის უფროსი სამოქალაქო წარმომადგენლის თანამდებობა (თავდაცვის მრჩეველი) ნატოში საქართველოს მისიაში. იგი არის რამდენიმე აკადემიური პუბლიკაციისა და პრესის სტატიის ავტორი.