ნატო ბაჩიაშვილი
ნატო ბაჩიაშვილი არის საქართველოს სტრატეგიული ანალიზის ცენტრის მმართველობის წევრი. აქვს სახელმწიფო უწყებებსა და არასამთავრო ორგნიზაციებში მუშაობის მრავალწლიანი გამოცდილება.
1995 წელს დაამთავრა თბილისის ივ. ჯავახიშვილის სახელობის სახელმწიფო უნივერსიტეტის იურიდიული ფაკულტეტი სამართლისმცოდნეობის სპეციალიზაციით.
2014 წლიდან ის ხელმძღვანელობდა გეოპოლიტიკური კვლევების საერთაშორისო ცენტრს. 2012 წლიდან 2021 წლამდე იყო საქართველოს თავდაცვის ეროვნული აკადემიის მოწვეული ლექტორი; 2015 წლიდან დღემდე არის საქართველოს საზოგადოებრივი ინსტიტუტის GIPA-ს მოწვეული ლექტორი.
წლების მანძილზე ის მუშაობს სახელმწიფო სისტემასთან, კონსტიტუციური ორგანოების უფლებამოსილების გადანაწილების, საარჩევნო კანონმდებლობისა და პრაქტიკის სრულყოფის; აგრეთვე საერთაშორისო სამართალთან და საერთაშორისო ურთიერთობებთან დაკავშირებულ საკითხებზე. წარმატებით აქვს განხორციელებული საზოგადოების ცნობიერების ამაღლების მრავალი პროექტი საქართველოს ევროპულ და ევროატლანტიკურ სტრუქტურებში ინტეგრაციის მიმართულებით; კონფლიქტების მშვიდობიანი დარეგულირების, ჰიბრიდული ომის, რუსეთის რბილი ძალის, მოლაპარაკებებისა და ეროვნული უსაფრთხოების საკითხებთან დაკავშირებით;
არის რამედენიმე ნაშრომისა და პუბლიკაციის ავტორი და თანაავტორი.
