საქართველოს სტრატეგიული ანალიზის ცენტრში “GSAC მედია ტრენინგი ქართველი ჟურნალისტებისთვის” პროგრამის ფარგლებში შეხვედრების ციკლი გრძელდება.ამჯერად, პროგრამის მონაწილეებს, საქართველოს სტრატეგიული ანალიზის ცენტრის დამფუძნებელი, უფროსი მკვლევარი, ზურა აგლაძე შეხვდა. შეხვედრის თემა იყო საქართველოს თავდაცვის სტრატეგია რუსეთის ჰიბრიდული ომის წინააღმდეგ. შეხვედრა ნახევრად ჰიბრიდულ რეჟიმში გაიმართა და ინტერაქტიული ხასიათი ჰქონდა.
