საქართველოს სტრატეგიულ ანალიზის ცენტრში თურქეთის ახალი ელჩი გვეწვია. შეხვედრას გაცნობითი ხასიათი ჰქონდა. ჩვენი ორგანიზაციის დამფუძნებლებმა მას მიაწოდეს ინფორმაცია ცენტრის მიერ ჩატარებული კვლევების და განათლებითი პროგრამების შესახებ.
ელჩმა დიდი ინტერესი გამოთქვა ცენტრის სამუშაო პრიორიტეტების მიმართ, განსაკუთრებით პოლიტიკური კვლევების, უსაფრთხოებისა და თავდაცვის სფეროში მიმდინარე პროცესების კუთხით.
შეხვედრაზე აღინიშნა, რომ GSAC-ის და TIKA-ს თანამშრომლობა საკმაოდ ნაყოფიერად მიმდინარეობს და ორივე მხარემ სურვილი გამოთქვა მისი კიდევ უფრო მეტად გაღრმავებისთვის და განვითარებისთვის.
ელჩმა კიდევ ერთხელ გამოხატა ინტერესი ანალიტიკური დოკუმენტების მიმართ, რომელიც იქმნება ჩვენი ცენტრის პლატფორმაზე.