გელა ბეჟუაშვილი

გელა ბეჟუაშვილის საქმიანობა სამთავრობო და ინდუსტრიულ სექტორებს უკავშირდება. 1990-იანი წლებიდან იგი იკავებდა მაღალი რანგის თანამდებობებს საქართველოს უსაფრთხოების სფეროში. ამასთან ერთად, იგი აქტიურად არის ჩართული განათლების სფეროს სამეთვალყურეო საქმიანობაში. ამჟამად გელა ბეჟუაშვილი არის საქართველოს სამრეწველო ჯგუფის დირექტორთა საბჭოს წევრი და საერთაშორისო საკონსულტაციო საბჭოს წევრი ბრაზილიისა და ლათინური ამერიკის საუკეთესო ბიზნეს სკოლებში: დომ კაბრალის ფონდი (ბრაზილია) და სან დიეგოს უნივერსიტეტი (აშშ). ის არის ჰარვარდის უნივერსიტეტის „Adaptive Leadership”-ის კურსდამთავრებულთა ასოციაციის დამფუძნებელი წევრი. გელა ბეჟუაშვილი სხვადასხვა დროს ეროვნული ექსპერტის როლსაც ასრულებდა ევროპულ სტრუქტურებთან თანამშრომლობის ფარგლებში: ეროვნული მრჩეველთა კომიტეტი საერთაშორისო საზოგადოებრივ სამართალში (CAHDI), მულტიდისციპლინარული ჯგუფი კორუფციის წინააღმდეგ (GMC), ეროვნული უმცირესობების დაცვის კომიტეტი, (DH-MIN) და ვენეციის კომისია (კონსტიტუციური სამართლის კუთხით). 2000 წლიდან გელა ბეჟუაშვილი ჩართულია საერთაშორისო სამართლის საკითხებზე სამეცნიერო კვლევებში. ის ამჟამად ასწავლის მმართველობის ხელოვნების კურსს საქართველოს საზოგადოერივ საქმეთა ინსტიტუტში (GIPA). მას აქვს საგანგებო და სრულუფლებიანი ელჩისა და სახელმწიფო კანცლერის უმაღლესი წოდება. გელა ბეჟუაშვილს გადაეცა უკრაინისა და ესტონეთის რესპუბლიკის უმაღლესი ჯილდოები.