მოხარული ვართ, რომ ჩვენს გუნდს სტაჟიორის პოზიციაზე შემოუერთდნენ ახალგაზრდა, ნიჭიერი ადამიანები. გვსურს, გაგაცნოთ თითოეული მათგანი.
ედგარ ბრუტიანი არის თბილისის თავისუფალი უნივერსიტეტის საერთაშორისო ურთიერთობების ფაკულტეტის შორეული აღმოსავლეთის კონცენტრაციის მესამე კურსის სტუდენტი. მას შორეული აღმოსავლეთის რეგიონზე ორი ნაშრომი აქვს გამოქვეყნებული – „ჩინეთის დიდი კედელი“ და „კონფუციონიზმის ზეგავლენა ეკონომიკაზე“. ედგარი ფლობს სომხურ, ქართულ, რუსულ, ინგლისურ და ჩინურ ენებს. მას სხვადასხვა დროს არაერთ არასამთავრობო ორგანიზაციაში გაუვლია სტაჟირება. ედგარი ასევე არის ახალგაზრდული აქტივიზმის ცენტრის ტრენერი და მომავალ დიპლომატთა სკოლის ქართული დიპლომატიის ისტორიის ლექტორი. ამ ზაფხულს ედგარ ბრუტიანი აშშ-ის სახელმწიფო დეპარტამენტის დაფინანსებით ჩაერთვება სამოქალაქო ჩართულობაზე ლიდერი სტუდენტების საზაფხულო ინსტიტუტში, რომელსაც აშშ-ის სახელმწიფო დეპარტამენტის დაფინანსებით ბარდის კოლეჯი უმასპინძლებს.
