18 ნოემბერს საქართველოს სტრატეგიული ანალიზის ცენტრის ორგანიზებით ყარაჯალაში შედგა პროგრამის „მედეგი ეთნიკური უმცირესობები დეზინფორმაციის და ჰიბრიდული საფრთხეების საპასუხოდ“ გახსნა.პროგრამა განკუთვნილია პანკისსა და ყარაჯალაში მცხოვრები ადგილობრივი სამოქალაქო საზოგადოების წარმომადგენლებისთვის, მასწავლებლებისა დაახალგაზრდებისთვის.
პროექტის მიზანია ხელი შეუწყოს პანკისსა და ყარაჯალაში მცხოვრები ეთნიკური უმცირესობების წარმომადგენელთა კრიტიკული მასის შექმნას,რომლებიც აცნობიერებენ დეზინფორმაციისა და ჰიბრიდული ომის რისკებს და მისცეს მათ შესაბამისი თეორიული და პრაქტიკული ცოდნა მათი იდენტიფიცირებისა და განეიტრალებისთვის.
პროექტის ფარგლებში ჩატარდება ოთხდღიანი ტრენინგები შემდეგ თემებზე: ნატოს ისტორია, მისია და ღირებულებები; ნატო-საქართველოს ურთიერთობები; დეზინფორმაციის იდენტიფიცირება და მასთან ბრძოლის მეთოდი; ჰიბრიდული ომი; დეზინფორმაციის ამოცნობის ხელსაწყოები.
პროექტი გახსნა პოლონეთის სრულუფლებიანმა ელჩმა საქართველოში მარიუშ მაშკევიჩმა.
