რუსეთის მიერ დღეს დილას უკრაინაზე განხორციელებული სამხედრო იერიში არის კიდევ ერთი თავდასხმა თავისუფალ სამყაროზე. მისი ქმედებები უკრაინასა და საქართველოში მეტყველებს რუსეთის მოტივებზე – აღადგინოს “ბოროტების იმპერია”. რუსეთმა კიდევ ერთხელ დაამტკიცა, რომ ის აგრესორი და ოკუპანტია.
დემოკრატიული საერთაშორისო საზოგადოების მხარდაჭერა უკრაინისთვის გადამწყვეტ ფაქტორს წარმოადგენს. ეს არ არის ომი მხოლოდ უკრაინის წინააღმდეგ, ეს არის ომი დემოკრატიული მსოფლიოს წინააღმდეგ.
საქართველოს სტრატეგიული ანალიზის ცენტრი გმობს რუსეთის ინტერვენციას სუვერენულ სახელმწიფოში და უპირობო მხარდაჭერას უცხადებს უკრაინასა და უკრაინელ ხალხს.
დიდება უკრაინას! დიდება თავისუფლებას!
